«Հայաստան» խմբակցությունը նիստի ժամանակ բարձրացրեց կալանավորված պատգամավորների հարցը՝ պահանջելով նրանց ներկայությունն ԱԺ-ում: Նիստը վարող Կնյազ Հասանովն ասաց՝ հարցն իր իրավասության տիրույթում չէ:
«Ու եթե համարում ենք այսքանից հետո հանգիստ անցնել օրակարգին, լավ տեղ չենք հասնի, սա կանոնակարգի կոպիտ ոտնահարում է, ամենաթողություն: Անձեռնմխելիությունը շրջանցելով՝ մեր երկու պատգամավորները գտնվում են կալանքի տակ, սա ոտնձգություն է նրանց լիազորությունների, անարգանք՝ ԱԺ-ի նկատմամբ»,- ասաց Արծվիկ Մինասյանը:
ՔՊ-ական Վլադիմիր Վարդանյանն արձագանքեց՝ քրեական հետապնդումը հարուցվել է մինչև մանդատ ստանալը:
«Պատիվ ունեմ» խմբակցության պատգամավորները միացան «Հայաստան» խմբակցության գործընկերների պահանջին:
