Ալլա Լյովուշկինան աշխարհի ամենատարեց վիրաբույժն է: Նա աշխատում է Ռյազանի քաղաքային հիվանդանոցում, և չնայած իր տարիքին, նա շարունակում է օրական 4 վիրահատություն կատարել:
92 ամյա բժիշկն իր կյանքի գրեթե 70 տարին նվիրել է վիրաբույժի մասնագիտությանը, արդեն հասցրել է կատարել ավելի քան 10 000 վիրահատություն, սակայն նա չի պլանավորում անցնել թոշակի:-Բժիշկ լինելն ուղղակի մասնագիտություն չէ, դա ապրելակերպ է, — ասում է նա:
Լյովուշկինան վառ օրինակ է երիտասարդ գործընկերների համար, նա միշտ լի է օպտիմիզմով և կյանքի հանդեպ սիրով: Իր ամբողջ կյանքը նա նվիրել է ուրիշներին աջակցելուն. հիմա Ալլան օգնում է իր հաշմանդամ զարմիկին:
Բժիշկը շատ է սիրում կենդանիներին, նրա տանն ապրում է 8 կատու, պատուհանի մոտ կախված է թռչունների համար տնակ, իսկ դրսի շների համար պայուսակում միշտ մի քիչ կեր կա: