Հաջորդ պш տեր шզմը երկար չի տեւի, հետո կլինի այն, ինչ կլինի․․․ Հակառակորդը այլ տարբերակ չի թողնում Հայաստանի պաշտպանության նախարար Արշակ Կարապետյանն օգոստոսի 9 -ին ընդունել է Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասին:
Արշակ Կարապետյանը ողջունել է Զասին և ընդգծել․ «Մենք Ձեր այցին սպասում էինք դեռ մայիս ամսին: Հայաստանի համար այդ պահին բավական լարված ժամանակահատված էր, բայց, ցավոք սրտի, Ձեր այցը տեղի չունեցավ»:
Կարապետյանը նշել է, որ սահմաններին ձևավորվել է կայուն ծանր իրավիճակ մայիսին երկու ուղղությամբ ադրբեջանական զինված ուժերի հայկական տարածք ներխուժման պատճառով։ «Հայաստանը խաղաղության կողմնակից է, մենք որևէ պարագայում չենք ուզում իրադրության լարում մեր սահմաններին:
Մենք փորձում ենք խաղաղ ճանապարհով լուծել այս հարցը։ Միևնույն ժանանակ, մեր համբերությունը նույնպես անսպառ չէ, և մեր սահմաններին ստեղծված իրադրության խաղաղ հանգուցալուծման բացակայության պարագայում մենք իրավունք ենք վերապահում խնդիրը լուծել ուժի կիրառմամբ», ընդգծել է նախարարը:
Արդյոք դա նշանակում է, որ սպասվում է նոր պատերազմ: Մինչ այժմ Պաշտպանության նախարարությունը ոչ մի մեկնաբանություն չի տվել, այնուամենայնիվ, իշխանություններին մոտ կանգնած մեր զրուցակիցը հարցին, թե ինչ կլինի, եթե Ադրբեջանը շարունակի ռազմատենչ և ագրեսիվ քաղաքականությունը, պատասխանել է.
«Հակառակորդի տարածքում կան ռազմավարական թիրախներ, որոնք այժմ մեր նշանառության տակ են: Օգտագործելով ՀՀ Զինված ուժերի զինանոցում առկա բոլոր հայտարարագրված և չհայտարարագրված միջոցները՝ հակառակորդին հասցվելու է անդառնալի վնաս, որից հետո այս պետության գոյությունը հարցականի տակ է դրվելու:
44-օրյա պատերազմի ընթացքում, հաշվի առնելով դրանց օգտագործման անդառնալի և աղետալի հետևանքները, դրանք չօգտագործվեցին: Սակայն հակառակորդը այլ տարբերակ չի թողնում: Նոր պատերազմը կլինի պատերազմ գոյության համար»:
Հարցին, թե կոնկրետ ինչ թիրախների եւ ինչ տեսակի զենքի մասին է խոսքը, նա չի մանրամասնել: Մեր զրուցակիցը միայն հավելել է, որ հաջորդ պատերազմը երկար չի տեւի, հետո կլինի այն, ինչ կլինի:
