Պխալին վրացիների և վրացական խոհանոց նախընտրողների ամենասիրելի ուտեստներից է, այն համարվում է և՜ աղցան, և՜ խորտիկ։Այն կարող եք գտնել աշխարհի տարբեր երկրների ռեստորանների ճաշացանկում, սակայն դա չի նշանակում, որ դուք չեք կարող պխալի պատրաստել տնային պայմաններում։
Պխալին անփոխարինելի է հատկապես բուսակերների և պահքի մեջ գտնվողների համար։Պխալին
պատրաստում են մի քանի տեսակի բանջարեղեններից և դրանք լինում են տարբեր գույների, սակայն ամենահայտնիները կանաչ և կարմիր պխալիներն են:
Կանաչ պխալիի պատրաստման համար անհրաժեշտ մթերքները՝
- Բազուկի տերև կամ սպանախ՝ 2 կապ
- Համեմ՝ 2-3 ճյուղ
- Սխտոր՝ 3 կտոր
- Սոխ՝ 1 հատ
- Աղացած ընկույզ՝ 1 բաժակ
- Աղ, պղպեղ, խմելի սունելի և համեմի սերմ
Իսկ կարմիր պխալի պատրաստելու համար նահրաժեշտ է բազուկի տերևը կամ սպանախը փոխարինել կարմիր բազուկով։
Կանաչ պխալիի պատրաստման եղանակը՝ հարկավոր է բազուկի տերևները կամ սպանախը մի քանի րոպե խաշել, ապա ջրքամել և մի կողմ դնել մինչ մյուս բաղադրիչները կպատրաստեք։Այնուհետև նախապես մանրացված ընկույզը, համեմը, սխտորը, սոխը լցնել տարայի մեջ, տրորել, ավելացնել աղը, պղմեղը և խմելի սունելին:
Սառած սպանախն ու այս զանգվածը միասին աղալ: Ստացված զանգվածից կլորակներ պատրաստել վերևի հատվածը մի փոքր տափակացնել, իսկ մատուցելիս զարդարել նռան հատիկներով։
Կարմիր պխալի պատրաստելու համար ամեն ինչ անում եք նույն եղանակով, պարզապես հարկավոր է բազուկի տերևների կամ սպանախի փոխարեն օգտագործել կարմիր բազուկ, որը անհրաժեշտ է խաշել ապա քերիչով անցկացնել։
