Երևանում աստիճանաբար կկրճատվի հիփոթեքային վարկի սպասարկման համար եկամտային հարկի վերադարձի համակարգը։
Այսօր՝ Կառավարության նիստում, ֆինանսների նախարար Տիգրան Խաչատրյանը հայտարարեց, որ «ՀՀ հարկային օրենսգրքում լրացում կատարելու մասին» օրենքի նախագծով առաջարկվում է եկամտային հարկը չվերադարձնել 4 դեպքում՝
եթե գույքը գտնվում է Երևան քաղաքի առաջին գոտում (2022 թվականի հուլիսի 1-ից), եթե գույքը գտնվում է Երևան քաղաքի երկրորդ գոտում (2023 թվականի հունվարի 1-ից), եթե գույքը գտնվում է Երևան քաղաքի երրորդ գոտում (2023 թվականի հուլիսի 1-ից), եթե գույքը գտնվում է Երևան քաղաքի այլ գոտիներում (2025 թվականի հունվարի 1-ից)։
Կառավարությունն հավանություն տվեց նախագծին։
