Պահմտոցի խաղը 21 տարեկան երիտասարդի մահանալու պատճառ է դարձել…

Ամերիկյան Դիտրոյտ քաղաքում, որը գտնվում է Միչիգան նահանգում, 21-ամյա տղան մահացել է պահմտոցի խաղի ժամանակ։

Այս մասին հայտնում է Associated Press լրատվական գործակալությունը։ Ըստ հրապարակման, ընկերախումբը պահմտոցի է խաղացել պահեստ ծառայած լքված շինության մեջ, որը վերջին անգամ օգտագործվել է 17 տարի առաջ։

Խաղի ընթացքում երիտասարդները չեն գտել իրենց ընկերոջը եւ գնացել են տներով։

Հաջորդ օրը վերադարձել են ու շարունակել որոնումները։ Ի վերջո երիտասարդի դիակը հայտնաբերել են աղբակույտի վրա, շենքի առաջին հարկում, վերելակի հորանում։

Ամենայն հավանականությամբ երիտասարդը ընկել է հորանից եւ մահացել։ Դեպքի մյուս մանրամասները ճշտվում են։

hraparak.am

Понравилась статья? Поделиться с друзьями:
NOR PASTER
Яндекс.Метрика