Կանացի 7 սովորություններ, որոնք ահավոր զայրացնում են տղամարդկանց․ ՍԱ պետք է իմանա յուրաքանչյուր կին․․․

Մենք՝ լինելով այսքան տարբեր, միևնույն է, միասին ենք ու առանց միմյանց ապրել չենք կարող։ Մենք արդեն յուրացրել ենք, որ դուք տանել չեք կարողանում մեր անհետացող գուլպաները, համակարգչային խաղերով տարվածությունը ու ձեր մայրիկի ծննդյան օրը հիշել չկարողանալը, բայց ժամանակն է, որ դուք էլ հասկանաք, որ մեզ համար էլ հեշտ չէ ձեր սովորություններին դիմանալը, իսկ դրանցից ոմանք կարող են պատճառ դառնալ միանգամայն դրամատիկ ավարտի հարաբերություններում։

Անձնական հարաբերությունների քննարկումն այլոց հետ

Որքան էլ ձեզ հրապուրիչ թվա ընկերուհուն մեր հետ ունեցած վեճից պատմելը, կամ էլ բուռն ցանկություն ունենաք սկանդալ սարքելու՝ ձեր մոր ներկայությամբ, մտածեք, թե ինչ կստանաք դուք արդյունքում, բացի անհարմարության զգացումից և, որպես կանոն, անպետք խորհուրդներից, որոնց հոսքը չի դադարի անգամ հաշտվելուց հետո։ Ի վերջո, հարաբերությունները համատեղ աշխատանք են, ու մենք դատապարտված ենք կոնֆլիկտներ, գժտվածություններ, փոխզիջման անդադար որոնումներ ու վիրավորանքներ ունենալուն, և որքան ավելի քիչ օտար մարդ լինի դրանցում ներգրավված, այնքան ավելի պինդ կլինեն այդ հարաբերությունները։

Թեթևամիտ վերաբերմունք փողերին

Ճիշտ հասկացեք մեզ, մենք, որպես կանոն, սիրում ենք երես տալ, նվերներ նվիրել, ռեստորաններ տանել ու առհասարակ ձեզ վրա գումարներ ծախսել։ Սակայն դրանով հանդերձ, մեզ համար միևնույն չէ, թե ինչպես են ծախսվում ընտանեկան բյուջեի միջոցները, ու մեզ կարող է հունից հանել, եթե մեկ էլ անսպասելիորեն պարզենք, որ բյուջեի մնացորդը դուք ծախսել եք, որպեսզի գնեք «բայց իրոք հրա՜շք սումոչկա», որովհետև դրա վրա զեղչ էր գործում, որովհետև դա արդեն ոչ թե համով կանացի թուլություն է, այլ պարզ մարդկային հիմարություն։

Չխնամված արտաքին տեսք

Ինչպես ասվում է հայտնի աֆորիզմում, կինը, հարաբերություններ սկսելով տղամարդու հետ, ակնկալում է, որ նա կփոխվի, բայց տղամարդը չի փոխվում, իսկ տղամարդն՝ ընդհակառակը, հույս ունի, որ կինը չի փոխվի, բայց նա փոխվում է։ Ու խոսքն այստեղ ոչ թե ինչ-որ կնճիռների ու ճերմակած մազերի մասին է, այլ նրա, որ մենք ուզում ենք միշտ տեսնել, որ դուք փորձում եք գեղեցիկ, խնամված ու կանացի լինել մեզ համար։ Ու հենց Մեզ համար, այլ ոչ թե բոլոր արուների, այսինքն՝ պետք չէ ընկնել այլ ծայրահեղության մեջ ու չարաշահել շրջազգեստը՝ չափազանց խորը բացվածքներով ու բացահայտ ագրեսիվ ու վուլգար շպարը։

Ընկերություն նախկին boy-friend-ի հետ

Անգամ եթե մենք զուտ տեսականորեն հավատանք, որ տղամարդու ու կնոջ միջև ընկերությունը հնարավոր է, ապա խնդրում ենք, մի տարածեք այս տեսությունը ձեր նախկին ընկերների վրա։ Ոչ մի տիպի «Մենք լավ ընկերներ մնացինք»-ներ այստեղ չեն աշխատում, որովհետև դա կամ սուտ է, կամ էլ ինքնախաբեություն։ Ի վերջո, ձեզ էլ հաճելի չի լինի ակնդրել մեզ՝ մեր նախկին ընկերուհիների հետ շփվելիս, այդպես չէ՞։ Անցյալում ունեցած հարաբերությունների տեղը հենց անցյալն է։

Պատճառներով ու անպատճառ նեղացկոտություն

Վերջիվերջո, դուք մի օր կյուրացնե՞ք, որ մենք տելեպատիկ հնարավորությունների չենք տիրապետում, մենք ուղղամիտ ենք և, որպես կանոն, վատ ենք հասկանում ակնարկները։ Ու ձեր էմոցիոնալ արձագանքները՝ մեզ միանգամայն անմեղ թվացող բաների վրա, մենք երբեք չենք կարող ադեկվատ ընկալել, եթե դուք չսովորեք դրանց մասին խոսել։ Ցուցադրաբար մեզ հետ չխոսալը, առանց պատճառի լացելը ու «Լավ, ոչ մի բան էլ չի եղել»-ները լավագույն դեպքում տվայտանք են առաջացնում մեզ մոտ, իսկ վատագույն դեպքում՝ խուճապ։ Իսկ եթե նման էմոցիոնալ վիճակները քրոնիկական փուլի են անցնում, ապա մենք սկսում ենք ընկալել դրանք՝ որպես մեզ մանիպուլացնելու միջոց և լավագույն դեպքում սկսում ենք արհամարհել դրանք, իսկ վատագուն դեպքում՝ ավելի ադեկվատ ընկերուհի ենք փնտրում։

Քրոնիկական ուշացումներ ու կատոստրոֆիկ երկար հավաքվել

Ժամադրությունից 5 րոպե ուշացումը հաճելի ու կանացի է մեր աչքերում։ Սակայն լրիվ այլ բան է, երբ մենք ինչ-որ տեղ ենք հրավիրված, որտեղ մեզ կոնկրետ ժամի են սպասում, իսկ դուք դեռ չեք բարեհաճել ժամանել հանդիպման վայր։ Հասկացե՛ք, տղամարդկանց համար ճշտապահությունը պատասխանատվության ու հարգանքի հոմանիշն է։ Ու շատ քիչ բան կարող է մեզ հուներից հանել այնպես, ինչպես անվերջ սպասելը, մինչ դուք վերջապես կընտրեք շրթներկը, որը կհամապատասխանի հենց այդ կոշիկներին և կխոսի հենց այս ջինսի հետ։ Ոչ, ոչ, մենք հիանալի հասկանում ենք, որ դա, հիրավի, տիեզերական մասշտաբի խնդիր է ձեզ համար, բայց խնդրում ենք, պետք չէ դրա լուծմանը հատկացնել օրվա կեսը։

Տոտալ վերահսկողություն

Եվ վերջապես, թերևս ամենակարևոր կետը։ Սրանում կարելի է ներառել խանդագին հարցաքննությունները, մեր յուրաքանչյուր ֆեյսբուքյան ընկերոջ մասին հարցուփորձ անելը, մեր SMS—ների ու նամակների ստուգումները։ Սրանք իրար գումարելով՝ կստանաք այն անհրաժեշտ նախապայմանները, որոնք կարող են փչացնել անգամ ամենալավ հարաբերությունները։ Կանայք, ովքեր ինքնահավանորեն պնդում են, որ իրենց բոյֆրենդների վզկապը կարճ են պահում, վաղ թե ուշ հայտնաբերում են, որ իրենց կամ հմտորեն հիմարեցրել են, կամ էլ այդ բռի վարժեցումը սպանել է վստահությունն ու ջերմությունը հարաբերություններում։

Հիշե՛ք, անգամ անսահման նվիրվածությունը ձեզ չի չեղարկում ազատության պահանջմունքը, անձնական տարածություն ունենալը ցանկությունը, տղերքով գարեջուր խմելուց հաճույք ստանալը, ֆուտբոլ նայելը, միայնակ մնալը, վերջիվերջո։ Որքան ավելի հանգիստ դուք համաձայնվեք մեզ այդ ազատություններից չզրկել, այնքան ավելի կապված կլինենք մենք ձեզ։

Понравилась статья? Поделиться с друзьями:
NOR PASTER
Яндекс.Метрика