Սուրենյանը նոր կանխատեսումներ արեց․ Որոշ տեղերում անձրևներ, որոշ տեղերում ձյուն

ՀՀ ԱԻՆ «Հիդրոմետ» ծառայությունը ներկայացրել է առաջիկա օրերի եղանակային կանխատեսումները։
ԵՐԵՎԱՆ, 24 նոյեմբերի – Sputnik. Հանրապետության տարածքում նոյեմբերի 24-ի գիշերը, 27-28-ը սպասվում է առանց տեղումների եղանակ:

Նոյեմբերի 24-ի ուշ երեկոյան ժամերին առանձին շրջաններում, 25-26-ը շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով, առանձին շրջաններում սպասվում է մառախուղ:

Տեղեկությունը հայտնում է ՀՀ ԱԻն «Հիդրոմետ» ծառայությունը և հավելում, որ քամին հարավ-արևելյան է, 2-5 մ/վ արագությամբ: Օդի ջերմաստիճանը նոյեմբերի 25-ի ցերեկը կնվազի 3-5, Լոռիում, Տավուշում, Սյունիքում և Արցախում 9-11 աստիճանով:

Երևան քաղաքում նոյեմբերի 24-ի գիշերը, 27-28-ը սպասվում է առանց տեղումների եղանակ: Նոյեմբերի 24-ի ուշ երեկոյան ժամերին, 25-26-ը սպասվում է անձրև: Մայրաքաղաքում նոյեմբերի 24–ի գիշերը կլինի -1…+1 աստիճան, իսկ ցերեկային ժամերին կգրանցվի 11-13 աստիճան տաքություն։

Понравилась статья? Поделиться с друзьями:
NOR PASTER
Яндекс.Метрика